ప్రధాన కంటెంట్‌కు దాటవేయి

ఆత్మవిశ్వాసాన్ని పెంపొందించుకోండిలా

మనమీద మనకు గాఢమైన నమ్మకాన్ని కలిగి ఉండటమే ఆత్మవిశ్వాసం. నేటి యువతలో చాలామందికి తమలో తమకు ఆత్మవిశ్వాసం ఉండకపోవడం మనం గమనిస్తున్నాం. నిజానికి కాళ్లు చేతులు సక్రమంగా ఉండి ఏ పని చేయడానికి ఆసక్తి చూపనివాడే వికలాంగుడు. అంతేకాని శరీరంలో ఒకభాగం పోయినా మిగిలిన భాగాలతో జీవితాన్ని నెట్టుకొస్తున్న వ్యక్తి వికలాంగులు కారు.

 ముఫ్పైమూడేళ్లకే ప్రపంచాన్ని జయించిన అలెగ్జాండర్‌లో ఉన్నది అంతులేని ఆత్మవిశ్వాసం. జపాన్‌ మీద రెండు బాంబులు పడి బూడిదైన విషయం తెలిసిందే. ఆ బూడిదమీదే ఆదేశం జూలు విదిల్చిన సింహంలా నిద్రలేచి పారిశ్రామిక వ్యవస్థనే సవాలు చేయడానికి కారణం ఆ దేశ యువత ఆత్మవిశ్వాసం.

మరోఅద్భుత కథని చూద్దాం. ఆమెకి చిన్నప్పడు కనీసం తినడానికి తిండిలేదు. ఆమె ఇంటికి తలుపులు లేవు. గాలి కూడా రాదు. కరెంటులేదు. వంట చేసుకోవడానికి గ్యాస్‌ లేదు. తనకు దొరికిన కొంచెం ఆహారాన్ని తిని కొన్నిసార్లుఆకలికి తట్టుకోలేక స్పహ తప్పిపోయేది.అలాంటి ఆమె ఎలాగైనా ఈ ప్రపంచంలో నెంబర్‌వన్‌ సైంటిస్ట్‌గా ఎదగాలనుకుంది. ఫలితంగా అంతులేని ఆత్మవిశ్వాసంతో కృషి చేసి నోబుల్‌ప్రైజ్‌ని సంపాదించినామే మేడం క్యూరి. రేడియం కనిపెట్టి మెడికల్‌ సైన్సు రూపురేఖలనే మార్చివేసింది. చీకటి గదిలో తిండిలేక సృహతప్పిపోయిన ఓబాలిక నేడు చరిత్రలో సువర్ణాక్షరాలతో లిఖించబడ్డ గొప్ప సైంటిస్ట్‌. ఆత్మవిశ్వాసమే ఆమె సక్సెస్‌కి కారణం. ఎలాగైనా పైకి రావాలన్న తాపత్రయం, తనమీద తనకున్న నమ్మకం చివరికి ఆమె ఆశయం హృదయంలో నిరంతరం నిరంతర తపనలో కరిగి ఆమె కలని నిజం చేసింది. 


మనం ఒక్కపూట గ్యాస్‌ అయిపోతే అబ్బా ఇవ్వాళ నాకెంత కష్టమొచ్చింది అని బాధపడేవారు ఆమె జీవితం నుండి నేర్చుకోవల్సింది ఎంతోఉంది. ఆత్మవిశ్వాసానికి మరోపేరుగా చెప్పదగినవారు అమెరికాని కనిపెట్టిన కొలంబస్‌. తన భార్యవద్దన్నా, ఇంట్లో పడి ఉండమన్నా ప్రపంచంలో ఏదోఒకటి కనిపెట్లాలన్న ఉత్సాహంతో, ఆత్మవిశ్వాసంతో సుడులు తిరిగే సముద్రంలో ఎన్నో రాత్రులు, పగల్లు అన్వేషించాడు. తన సముద్రయానంలో ఎన్నో నిరాశలు, ఎన్నో ఎదురుదెబ్బలు ఎదురైనా అంతులేని ఆత్మవిశ్వాసంతో అన్వేషణ కొనసాగించాడు. దాని ఫలితంగా అతడి వెంట్రుకలు తెల్లబడ్డాయి. అతడి బట్టలు చినిగి పీలికలైపోవడమే కాక అతడికి కీళ్లవాతం వచ్చింది. అయినా వెనుకంజ వేయకుండా తాను అనుకున్న లక్ష్యం చేరుకునే వరకు ప్రయత్నం కొనసాగించాడు. చివరికి ఆత్మవిశ్వాసంతో అమెరికాను కనిపెట్టాడు. ఆరోజు తాను కనిపెట్టిన నౌకాయానం ద్వారా అనేక దేశాల ప్రజలు తమ ఎగుమతులు దిగుమతులు కొనసాగించి తమ జీవితాలను సుఖవంతం చేసుకున్నారు.


ఎక్కువ మందిలో ఆత్మవిశ్వాసం లోపించడానికి కారణం మొదట తమ మీద తమకు నమ్మకం లేకపోవడం.చాలా మంది నాకు బాగాలేదు, నేను ఈ పని చేయలేను, నాకు ఈ ఉద్యోగం అంటే అసహ్యం, నాకు అంత తెలివి తేటలు లేవు, నాకు అదృష్టం లేదు, నేను మొహమాటస్థుడిని నాకు ఆసక్తి లేదు లాంటివి ఎక్కువగా వాడుతుంటారు. ఇలాంటవన్నీ ఆత్మన్యూనతా భావాన్ని సూచించే అంశాలు. వీటినే మీరు నేను చేయగలను, నేను భయపడను, నాకు ఆత్మవిశ్వాసం ఎక్కువ, ఇతరుల విజయానికి నేను చేతులెత్తి నమస్కరిస్తాను. నాజాబ్‌ అంటే నాకు ఆసక్తి ఎక్కువ. అంటూ పాజిటివ్‌గా ఆలోచనల్ని మార్చుకుంటే మీలో ఆత్మవిశ్వాసం పెంపొందుతుంది. కాబట్టి ఆత్మవిశ్వాసాన్ని పెంపొందించుకోవాలంటే పాటించాల్సిన అంశాలు:

1.ముందుగా మీ జీవిత గమ్యం ఏమిటో స్పష్టంగా నిర్ధారించుకోవాలి.

2. ఈ లక్ష్యాన్ని నేను తప్పకుండా సాధిస్తాననే నమ్యకాన్ని మీపై మీరు కలిగి ఉండాలి. మిమ్మల్ని మీరు కించపరచుకోవడం మానెయ్యండి. మిమ్మల్ని మీరు తక్కువ చేసుకొని ఆత్మన్యూనతకి లోనుకావొద్దు.

3. అందరిలాగే నాకూ రెండు చేతులు, రెండుకాళ్లు ఉన్నాయి. అవి చాలు నా లక్ష్యాన్ని సాధించడానికి అని మీరు పాజిటివ్‌గా ఆలోచించాలి.

4. మీరు చేసిన తప్పులనే తలుచుకుంటూ కాలం వృధా చేయవద్దు. చేసిన తప్పులనుండి పాఠాలు నేర్చుకొని అవి తిరిగిచేయకూడదు.

5. మీరు ఇంతకుముందు సాధించిన విజయాల జ్ఞాపకాలను భద్రపరచండి.ఆ విజయాల పరంపర నుండి మీరు ఉత్సాహం ద్విగుణీ కృతమవుతుంది. ఫలితంగా ఆత్మవిశ్వాసం పెరుగుతుంది.

6. ముందుగా చిన్న పనులతో మొదలు పెట్టండి. వాటిని క్రమంగా పెంచండి.

7. మీ పాత్రలో లీనమై పోండి. మీలోని వ్యక్తిని బయటపెట్టి ధైర్యంగా పనిచేయండి. ఫలితంగా అంతులేని ఆత్మవిశ్వాసం మీదవుతుంది.

8. ఏ పనినైనా కష్టంగా కాకుండా ఇష్టంగా చేయడం అలవాటు చేసుకుంటే దానివల్ల విజయం మిమ్మల్ని వరిస్తుంది. తద్వారా ఆత్మవిశ్వాసం పెరుగుతుంది

కామెంట్‌లు

ఈ బ్లాగ్ నుండి ప్రసిద్ధ పోస్ట్‌లు

ఇంగ్లీషువాడు .. వాడి భాష మనకి రాదు...

ఇంగ్లీషువాడు సప్తసముద్రాలు దాటి వచ్చేశాడు. ముందు వ్యాపారం చేయడానికి... తరువాత అధికారం చెలాయించడానికి.... వాడి భాష మనకి రాదు... వాడు "గాడ్ ఈజ్ గుడ్" అనేవాడు. మనకి అది "గాడిదగుడ్డు" గా అర్థమైంది. మనం "రాజమహేంద్రి" అన్నాం... వాడికి "రాజమండ్రి"లా వినిపించింది. మన మాట వాడికి అర్ధమయ్యేది కాదు... వాడి భాష మనకి బోధపడేది కాదు. వ్యాపారం, పరిపాలన వాళ్ల అవసరం కనుక తెల్ల అధికారులు ఒక్కొక్కరూ తెలుగు పదాలను పట్టుకున్నారు. డిక్షనరీలు తయారు చేశారు. 1818లో విలియం బ్రౌన్ తొలి తెలుగు - ఇంగ్లీషు డిక్షనరీ తయారుచేశాడు. 1821లో క్యాంప్ బెల్ ఇలాంటిదే ఇంకో నిఘంటువు తయారుచేశాడు. మన మాటలు వాడికి అర్థమయ్యాయి. కానీ వాడి మాటలు మనకి అర్ధం కావాలి కదా. అవసరం వాడిది. అందుకే జాన్ కార్నిక్ మారిస్ అనే వాడు ఇంగ్లీషు తెలుగు డిక్షనరీ తయారు చేశాడు. ఆ తరువాత సీ.పీ. బ్రౌన్ దొర ఇంకో డిక్షనరీ 1852 లో (ప్రథమ స్వాతంత్ర్య సంగ్రామానికి సరిగ్గా అయిదేళ్ల ముందు) తయారు చేశాడు. చాలా మంది తెల్ల అధికారులు దుబాషీలను పెట్టుకున్నారు. దుబాషీలంటే ద్విభాషీలు. అటుది ఇటు ఇటుది అటు వివరించి చెప్పగలవారు వీరు. కాన

నాన్న ... ఒక అద్భుతం

  ఓ కుర్రాడు 👲 కోపంతో ఇల్లు వదిలి వచ్చేశాడు😤 ఎంత కోపంతో వచ్చాడంటే..  తను చూసుకోలేదు  తన కాళ్లకు వాళ్ల నాన్న బూట్లు వేసుకు వచ్చేశాడని.👞👞  కొడుక్కి ఒక మోటార్ సైకిల్ కొనలేని వాడు కొడుకు ఇంజనీర్ కావాలని కలలు కనడం ఎందుకో.. అంటూ తండ్రిని తిట్టుకుంటూ మరీ ఇంటినుండి బయటికి వచ్చేశాడు.😁 చాలా పెద్దవాడినయ్యాక గాని ఇంటికి తిరిగి వెళ్ళను అని నిశ్చయించుకున్నాడు. 😒 ఇంటి నుండి వచ్చేప్పుడు  కోపం కొద్దీ… ఎప్పుడూ ముట్టుకోనివ్వని వాళ్ల నాన్న పర్సు కొట్టుకోచ్చేశాడు 😉 అమ్మకి కూడా తెలియకుండా  రాసే లెక్కలన్నీ దాంట్లోనే  ఉంటాయని వాడి నమ్మకం.s👲 నడుస్తుంటే బూట్లలో ఏదో తగులుతోంది .  కరుస్తూ ఉన్నట్టు ఉంది .  బూటు లోపల సాఫ్ట్ గా లేదు . మడమ నొప్పెడుతోంది .😣 అయినా అతని కోపం దానిని లెక్కచెయ్యనివ్వలేదు .  లోపల తడి తడి గా అనిపించింది . కాలు ఎత్తి చూశాడు.... బూటు అడుగున చిన్న కన్నం..👞 కుంటుతూనే బస్ స్టాండ్ వచ్చాడు ఎటైనా వెళ్లిపోదామని..!! v🚶 విచారణ లో వాకబు చేస్తే తెలిసింది గంట దాకా బస్ ఏదీ లేదని 🚌 సరే ఏంచేస్తాం. అప్పటి దాకా …  నాన్న పర్సు లో ఏంఉందో చూద్దామని  పర్సు తెరిచాడు ఈ కుర్రాడు . ఆఫీసు లో 40,000 అప్పు తీ

బ్రహ్మదేవా నీకు చాదస్తం పెరిగిపోతోంది .. శివుడికేం తెలియదు

నారదుడు త్రిలోకసంచారి.ఏ లోకానికైనా ఏ ప్రదేశానికైనా పాసుపోర్టు వీసాలులేకనే తిరిగేస్తుంటాడు. ఇతను ఏ దేశానికి వెళ్లినా, చివరకు శత్రుదేశాలకు వెళ్లినా అందరూ లేచి నిలబడి ఉచితాసనం ఇచ్చి గౌరవిస్తారే తప్ప తిరస్కరించరు.  తగులమారి, తంటాలమారి, జగడాలమారి అనే బిదురులు ఇచ్చేశారు. ఏవరు ఏమన్నా ఏమనుకున్నా సరే  చేయాల్సిన పనిని 4 G కంటే ముందుగా స్ఫీడుగా  కనెక్టై పని చేసేస్తాడు.ఇతని చర్యలు పనులు కొందరికి ఇబ్బందిగా వున్నా మరికొందరు చచ్చినా, అంతా లోకకళ్యాణానికేనంటాడు. నారాయణ నారాయణ అంటూ చిరతలు / చిడతలు వాయించుకొంటూ వెళుతుంటాడు. చివరికి దేవతలు రాక్షసులు కూడా నారదుడి దూరదృష్టి సరైనదేనని నమ్ముతారు. ఇలాంటి తగువులమారి నారదుడు భూలోకంలో ఒకసారి పయనిస్తుంటే కాలికేదో తగిలి ఠంగుమని శబ్దం వచ్చింది.నారదుడైన నా కాళ్ళకే ఏమిటబ్బా తగిలిందని వంగి చూచాడు. అదో మానవపుర్రె. నారదుడికి ఆసక్తి కలిగింది.పుర్రె చేతిలోకి తీసుకొని దాని కపాలం చూచాడు.ఆ కపాలం మీద తండ్రి బ్రహ్మదేవుడు వ్రాసిన గీతలు కనబడ్డాయి.అసక్తిగా చదివాడు. ఈ పుర్రె మూడు లోకాలను సందర్శిస్తుందనే  రాతను చదివాడు. నారదుడికి విస్మయం కలిగింది.పుర్రె ఏమిటి మూడు లోకాలను తిరగడమేమిట