ప్రధాన కంటెంట్‌కు దాటవేయి

మానవాళికి వస్త్రాన్ని అందించిన నాగరికత - చేనేత

 

మానవాళికి వస్త్రాన్ని అందించిన నాగరికత

ఆరు గజాల చీర నేసి అగ్గిపెట్టెలో అమర్చిన ఘనత

వస్త్ర వైవిధ్యానికి, ఒడుపెరిగిన శ్రామికశక్తికి మమేకత

వస్త్ర వైభవానికి, నేతన్నల గౌరవానికి ప్రత్యేకత


చేతివృత్తులన్నింటికీ సంఘటితంగా నిలిచిన సంచిత

సృజనాత్మక హస్త కళానైపుణ్యానికి సమ్మోహన భరిత

నేతన్నల ప్రతిభని ప్రపంచానికి పరిచయం చేసిన చరిత

భారత సంస్కృతీ సంప్రదాయాలకి నిలువెత్తు సమసరిత


నరాల్ని నూలుపోగులుగా మార్చుకుని

రక్తాన్ని రంగులుగా అద్దకం అద్దుకుని

గుండెని పిండి కందెనగా పోసి

అంగాంగాన్ని ఆసు రథాన్ని తిప్పే ఆయుధాలుగా చేసి

మగ్గమనే అస్త్రంతో వస్త్రాన్ని నేసిన నేతన్న!

చేయూత కరువాయే నేడు నీకు చేనేతన్న!


రంగురంగుల చీరలు నేసే నేతన్న!

రంగెలిసిన జీవితం నీదాయే నేతన్న!

పట్టు వస్త్రాలుని పదిలంగా అల్లిన నేతన్న!

పట్టెడన్నం పూటకింత పుట్టదాయే నేతన్న!

రెక్కాడితేగాని డొక్కాడని బతుకు నీదన్నా

మక్కలు ముక్కలు చేసినా మెతుకు నీకు లేదన్నా!


కష్టాల కన్నీళ్ళ కలబోతతో

కడుపు నింపని మగ్గాన్ని చేతపట్టి

నిరంతర శ్రమతో

బతుకుదెరువు భ్రమై

చక్రబందంలో చిక్కుకున్న ఓ చేనేతన్నా!

రెడీమేడ్ దుస్తులతో 

నీ కడుపు కొడుతుంటే అర్ధాకలితో అలమటిస్తున్నావా నేతన్నా!


కీళ్ల నొప్పులు

వెన్ను నొప్పులతో

వెన్నూ దన్నూ లేని జీవితం నీదన్నా!

కంటిచూపు సమస్యలతో

నీ ఇంటిని కాపు కాయలేని దైన్య జీవనం నీదన్నా!

నరాల బలహీనతలతో, గుండె జబ్బులతో

వైద్యం అందుకోలేక

కుటుంబాన్ని ఆదుకోలేక నరకయాతన అనుభవిస్తున్నావన్నా!


నేసిన వస్త్రాలకి ధర లేదాయే నేతన్న

చేసిన అప్పుల ధార ఆగదాయే నేతన్న

నూలు లేక పని ఆగిపోయాక

ఇంటి అద్దెకి సొమ్ములేక

తినడానికి తిండిలేక

పిల్లల్ని పోషించలేక

జరీ చీరల్ని నేసిన నీకే ఏ దారి లేక

తనువు చాలించడమే అనువుగా చేసుకుంటున్నావా నేతన్న!


నమ్ముకున్న చేనేత వృత్తికి ఆదరణ కరువై

ధనీల వద్ద చేనేత జీతగాడిగా మారావన్నా!

అమ్ముకున్న వస్త్రాలకి ధరలేక బతుకు భారమై

పవర్ లూముల్లో రోజుకూలీ అవతారమెత్తావన్నా!

కమ్ముకున్న మబ్బుల్లో నీ ప్రతిభ చీకటై

చేనేత మిల్లులో నిర్బంధ కార్మికుడిగా చేరావన్నా!


బలైపోతున్నాయి

మీ బతుకులు కబలిపోతున్నాయి

ఈ నేతల పాలనలో

'ఛీ'నేతల పరిపాలనలో

'చేనేత' బతుకులు ఛిద్రమైపోతున్నాయి


నేతలు ఎందరు మారినా

మీ చేనేత రాతలు ఎందుకు మారడం లేదన్నా!

నేసే చేతులే నేతగా మారితే

మీ బతుకులు ఎందుకు మారవన్నా!


సిరిసిల్ల సింగార చీరలు

గొల్లభామ గోరంచు చీరలు

గద్వాల్ పట్టు పంచెలు

పోచంపల్లి పోగు చీరలు

కొత్తపల్లి టవళ్ళు

రాజోలీ రగ్గులు

వరంగల్ డర్రీలు

వెంకటగిరి చేనేత వెలుగులు

ధర్మవరం ధరల చీరలు

మీ చేతి నుండి జాలువారిన చేనేత కళాఖండాలే చేనేతన్న!

మీ వస్త్ర కళానైపుణ్యం దేశాలు ఖండాలు దాటాయన్నా!

మీ బతుకులు మాత్రం ఖండఖండాలు అయిపోయాయన్నా!


నేడు జాతీయ_చేనేత_దినోత్సవం


NationalHandloomDay

SupportHandloom

SupportWeavers

చేనేత వస్త్రాలు మన సంస్కృతికి పట్టుకొమ్మలు.....

చేనేత వస్త్రాలు ధరించడంవల్ల.... చేనేత కారులకి ఉపాధిని కల్పించిన వాళ్ళమవుతాం.

కామెంట్‌లు

ఈ బ్లాగ్ నుండి ప్రసిద్ధ పోస్ట్‌లు

ఇంగ్లీషువాడు .. వాడి భాష మనకి రాదు...

ఇంగ్లీషువాడు సప్తసముద్రాలు దాటి వచ్చేశాడు. ముందు వ్యాపారం చేయడానికి... తరువాత అధికారం చెలాయించడానికి.... వాడి భాష మనకి రాదు... వాడు "గాడ్ ఈజ్ గుడ్" అనేవాడు. మనకి అది "గాడిదగుడ్డు" గా అర్థమైంది. మనం "రాజమహేంద్రి" అన్నాం... వాడికి "రాజమండ్రి"లా వినిపించింది. మన మాట వాడికి అర్ధమయ్యేది కాదు... వాడి భాష మనకి బోధపడేది కాదు. వ్యాపారం, పరిపాలన వాళ్ల అవసరం కనుక తెల్ల అధికారులు ఒక్కొక్కరూ తెలుగు పదాలను పట్టుకున్నారు. డిక్షనరీలు తయారు చేశారు. 1818లో విలియం బ్రౌన్ తొలి తెలుగు - ఇంగ్లీషు డిక్షనరీ తయారుచేశాడు. 1821లో క్యాంప్ బెల్ ఇలాంటిదే ఇంకో నిఘంటువు తయారుచేశాడు. మన మాటలు వాడికి అర్థమయ్యాయి. కానీ వాడి మాటలు మనకి అర్ధం కావాలి కదా. అవసరం వాడిది. అందుకే జాన్ కార్నిక్ మారిస్ అనే వాడు ఇంగ్లీషు తెలుగు డిక్షనరీ తయారు చేశాడు. ఆ తరువాత సీ.పీ. బ్రౌన్ దొర ఇంకో డిక్షనరీ 1852 లో (ప్రథమ స్వాతంత్ర్య సంగ్రామానికి సరిగ్గా అయిదేళ్ల ముందు) తయారు చేశాడు. చాలా మంది తెల్ల అధికారులు దుబాషీలను పెట్టుకున్నారు. దుబాషీలంటే ద్విభాషీలు. అటుది ఇటు ఇటుది అటు వివరించి చెప్పగలవారు వీరు. కాన

నాన్న ... ఒక అద్భుతం

  ఓ కుర్రాడు 👲 కోపంతో ఇల్లు వదిలి వచ్చేశాడు😤 ఎంత కోపంతో వచ్చాడంటే..  తను చూసుకోలేదు  తన కాళ్లకు వాళ్ల నాన్న బూట్లు వేసుకు వచ్చేశాడని.👞👞  కొడుక్కి ఒక మోటార్ సైకిల్ కొనలేని వాడు కొడుకు ఇంజనీర్ కావాలని కలలు కనడం ఎందుకో.. అంటూ తండ్రిని తిట్టుకుంటూ మరీ ఇంటినుండి బయటికి వచ్చేశాడు.😁 చాలా పెద్దవాడినయ్యాక గాని ఇంటికి తిరిగి వెళ్ళను అని నిశ్చయించుకున్నాడు. 😒 ఇంటి నుండి వచ్చేప్పుడు  కోపం కొద్దీ… ఎప్పుడూ ముట్టుకోనివ్వని వాళ్ల నాన్న పర్సు కొట్టుకోచ్చేశాడు 😉 అమ్మకి కూడా తెలియకుండా  రాసే లెక్కలన్నీ దాంట్లోనే  ఉంటాయని వాడి నమ్మకం.s👲 నడుస్తుంటే బూట్లలో ఏదో తగులుతోంది .  కరుస్తూ ఉన్నట్టు ఉంది .  బూటు లోపల సాఫ్ట్ గా లేదు . మడమ నొప్పెడుతోంది .😣 అయినా అతని కోపం దానిని లెక్కచెయ్యనివ్వలేదు .  లోపల తడి తడి గా అనిపించింది . కాలు ఎత్తి చూశాడు.... బూటు అడుగున చిన్న కన్నం..👞 కుంటుతూనే బస్ స్టాండ్ వచ్చాడు ఎటైనా వెళ్లిపోదామని..!! v🚶 విచారణ లో వాకబు చేస్తే తెలిసింది గంట దాకా బస్ ఏదీ లేదని 🚌 సరే ఏంచేస్తాం. అప్పటి దాకా …  నాన్న పర్సు లో ఏంఉందో చూద్దామని  పర్సు తెరిచాడు ఈ కుర్రాడు . ఆఫీసు లో 40,000 అప్పు తీ

బ్రహ్మదేవా నీకు చాదస్తం పెరిగిపోతోంది .. శివుడికేం తెలియదు

నారదుడు త్రిలోకసంచారి.ఏ లోకానికైనా ఏ ప్రదేశానికైనా పాసుపోర్టు వీసాలులేకనే తిరిగేస్తుంటాడు. ఇతను ఏ దేశానికి వెళ్లినా, చివరకు శత్రుదేశాలకు వెళ్లినా అందరూ లేచి నిలబడి ఉచితాసనం ఇచ్చి గౌరవిస్తారే తప్ప తిరస్కరించరు.  తగులమారి, తంటాలమారి, జగడాలమారి అనే బిదురులు ఇచ్చేశారు. ఏవరు ఏమన్నా ఏమనుకున్నా సరే  చేయాల్సిన పనిని 4 G కంటే ముందుగా స్ఫీడుగా  కనెక్టై పని చేసేస్తాడు.ఇతని చర్యలు పనులు కొందరికి ఇబ్బందిగా వున్నా మరికొందరు చచ్చినా, అంతా లోకకళ్యాణానికేనంటాడు. నారాయణ నారాయణ అంటూ చిరతలు / చిడతలు వాయించుకొంటూ వెళుతుంటాడు. చివరికి దేవతలు రాక్షసులు కూడా నారదుడి దూరదృష్టి సరైనదేనని నమ్ముతారు. ఇలాంటి తగువులమారి నారదుడు భూలోకంలో ఒకసారి పయనిస్తుంటే కాలికేదో తగిలి ఠంగుమని శబ్దం వచ్చింది.నారదుడైన నా కాళ్ళకే ఏమిటబ్బా తగిలిందని వంగి చూచాడు. అదో మానవపుర్రె. నారదుడికి ఆసక్తి కలిగింది.పుర్రె చేతిలోకి తీసుకొని దాని కపాలం చూచాడు.ఆ కపాలం మీద తండ్రి బ్రహ్మదేవుడు వ్రాసిన గీతలు కనబడ్డాయి.అసక్తిగా చదివాడు. ఈ పుర్రె మూడు లోకాలను సందర్శిస్తుందనే  రాతను చదివాడు. నారదుడికి విస్మయం కలిగింది.పుర్రె ఏమిటి మూడు లోకాలను తిరగడమేమిట