నఖ, వాయుజ,చర్మాణి, లోహ, శారీరజస్తథా....
శిశుర్వేత్తి పశుర్వేత్తి వేత్తి గానరసం ఫణిః"
అంటే సంగీతానికి పిల్లలు, జంతువులు, పాములు మొదలైనవి మైమరచి దానికి వశం కావడం జరుగుతుంది.
చక్కని సంగీతం అలజడిగా వున్న మనసుకు ప్రశాంతతనిస్తుంది. కమ్మటి సంగీతం మనసును శరీరాన్ని పులకింప చేస్తాయి.
ఇలాంటి సంగీతం సృష్టించాటనికి ఎలాంటి వాద్యాలు అవరసరమో చూద్దాం.
వాద్యములు నాలుగు రకాలు
అవి
(1) తతములు = తీగసాయంతో వాయించగల వాద్యములు.ఉదా॥ వీణ.
(2) సుషిరములు = వాయువును ఊదడం ద్వారా సంగీతాన్ని పలికించడం.ఉదాll నాదస్వరం, వేణువు.
(3) అవనద్ధములు అనగా చర్మంచే నిర్మించడం జరిగినవి.తప్పెట, డోలు, మొ॥నవి.
(4) కంచు, రాగి ఇనుము మొదలైన లోహంలచే తయారు చేయబడిన వాయిద్య పరికరములను ఘనములంటారు.ఉదా॥ తాళములు, గంట.
వీటిలో గోరులసాయంతో సంగీతాన్ని సృష్టించడం జరిగితే వాటిని నఖజములంటారు.
వాయువు ద్వారా సంగీతం సృష్టించడం జరిగితే వాటిని వాయుజమంటారు.
చర్మమునుండి సంగీత శబ్దాలు వెలువడితే వాటిని చర్మజమంటారు.
తాళం, గంట మొదలైనవాటిచే సంగీతం రావడం జరిగితే వాటిని లోహజమంటారు.
తతవాయిద్యాలలో వీణ ముఖ్యమైనది. వీణలలో
నకులి, చిత్ర, విపంచి, మత్తకోకిల, ఆలాపిని, కిన్నరి, పినాకి, బృహతి, కళావతి, మహతి
మొదలైనవి ప్రసిద్ధి చెందినవి.
వీణ తయారికి చండ్ర, పనస చెట్లను ఉపయోగిస్తారు.
ఇక సుషిరాలలో వంశం,పావము, సావికము, మురళి, మధుకరీ, కాహళం, శృంగం, శంఖం మొదలైన వాయిద్యాలు ప్రసిద్ధి.కాహళమంటే సన్నాయి లేదా నాగస్వరం.
ఇక అనద్ధములలో డోలు, డొల్లు, మర్ధలం, హుడుక్క, తబలా, లోహఘటం, ఢక్కా, రుంజా, డమరుకం, భాణం, దుందుభి, మృదంగం, ఖంజరి, భేరి మొదలైనవి ముఖ్యమైనవి.
గంట, జేగంట లేక జయగంట, కంచుతాళాలు, శుక్తిపట్టం మొదలైనవి ముఖ్యమైనవి.
గానాలు కూడా రెండురకాలు. ఒకటి గాత్రం గొంతునుండి సంగీతాన్ని వినిపింపచేయడం., రెండు వాద్యగానం, వాద్యపరికరాల ద్వారా సంగీతాన్ని సమకూర్చడం.
ఈ చతుర్విధ సంగీత పరికరాలను ప్రధాన, సహకారవాయిద్యములని రెండు రకాలు. వీణ, గోటు, నాగస్వరం మొదలైనవి ప్రధానమైనవి.
సహకార వాయిద్యాలను నాలుగురకాలుగా విభజించారు. అవి (1) గీత నృత్యాలకు సంబంధంలేకుండా వాయించేవాటిని శుష్కాలు అంటారు.
(2) గాత్రాన్ని అనురించేవి గాత్రజ్ఞుని అంటారు.
(3) నృత్యాన్ని అనుసరించి వాయించేవాటిని నృత్తానుగమంటారు.
(4) గీత, నృత్యాలను అనుసరించి వాయించే వాటిని ఉభయానుగమంటారు..
Credits జి.బి.విశ్వనాథ. అనంతపురం.
Pic Credits: wallpaperaccess.com
కామెంట్‌లు
కామెంట్‌ను పోస్ట్ చేయండి