ప్రధాన కంటెంట్‌కు దాటవేయి

బ్లడ్ గ్రూపులను కనిపెట్టి మానవాళికి ఎంతో మేలుచేసిన శాస్త్రవేత్త - కార్ల్ లాండ్ స్టీనర్

మానవ రక్తంలో ప్రధానంగా ఉండే A B, O అనే మూడు ప్రధాన గ్రూపులను గుర్తించి వైద్యశాస్త్రాన్ని కొత్త పుంతలు తొక్కించిన శాస్త్రవేత్తగా కార్ల్ లాండ్ స్టీనర్ సుప్రసిద్ధుడు. ఆస్ట్రియాలోని వియన్నాలో 1868 జూన్ 14న జన్మించారు కార్ల్. ఇవాళ రక్త మార్పిడి ద్వారా ఎన్నో ప్రాణాలు నిలుస్తున్నాయంటే అది ఆయన చలవే. అందుకే 1930లో వైద్యశాస్త్రంలో ఆయన నోబెల్ పురస్కారాన్ని పొందారు. ఈయనది O గ్రూప్



1891లో వియన్నా యూనివర్సిటీ నుంచి ఎం.డి. పట్టా పొందిన ఆయన ఐరోపాలో పలువురు పేరుపొందిన శాస్త్రవేత్తల దగ్గర ఆర్గానిక్ కెమిస్ట్రీని అధ్యయనం చేశారు. తిరిగి వియన్నా యూనివర్సిటీకి వచ్చి తనకెంతో ఇష్టమైన ఇమ్యునాలజీ రంగంలో పరిశోధనలు చేసి, 1901లో మానవ AB O బ్లడ్ గ్రూప్ వ్యవస్థ గురించి ప్రచురించారు. ఆ కాలానికే ఇద్దరు వ్యక్తుల రక్తాన్ని మిశ్రమం చేస్తే రియాక్షన్ వస్తుందనే విషయం తెలిసినా, దానికి కారణమేంటనే విషయం తెలీదు. భిన్న వ్యక్తులకు చెందిన రక్తం కలిసినప్పుడు ఎర్ర రక్త కణాల ఉపరితలంపై ఉండే కొన్ని యాంటీజెన్స్ వల్ల రియాక్షన్స్ వస్తాయని వెల్లడించిన కార్ల్, ఆ యాంటీజెన్ను A, B, C (తర్వాత దీన్ని O గా మార్చారు)గా గుర్తించారు. ఆ తర్వాతి ఏడాదే మరో బ్లడ్ గ్రూపును గుర్తించారు. అదే AB,  A బ్లడ్ గ్రూప్ వ్యక్తికి B బ్లడ్ ను ఎక్కిస్తే, అతని నిరోధక వ్యవస్థ B యాంటీజెన్ను గుర్తించదనీ, ఫలితంగా అవి ఇన్ఫెక్షన్కు గురిచేసి, ప్రమాదకరంగా పరిణమిస్తాయనీ కార్ల్ కనిపెట్టారు. దాంతో ఒక బ్లడ్ గ్రూప్ కు చెందిన వ్యక్తికి అదే గ్రూప్ రక్తాన్ని ఎక్కిస్తేనే ప్రయోజనం ఉంటుందని ఆయన తేల్చారు. 

అప్పట్నుంచే రక్త మార్పిడి ప్రక్రియ మొదలై వైద్యశాస్త్ర రంగంలో విప్లవాత్మక మార్పులకు దోహదం చేసింది. మానవ బ్లడ్ గ్రూప్లపై అధ్యయనంతో సరిపెట్టలేదు కార్ల్. సైన్సు ఇతరత్రా కూడా కీలక సేవలందించారు. రుమేనియా శాస్త్రవేత్త కాన్స్టాంటిన్ లెవడిటితో కలిసి పోలియో వ్యాధికి కారణమైన సూక్ష్మజీవిని ఆయన కనిపెట్టారు. అలా పోలియో వాక్సిన్ వృద్ధికి ఆయన పునాది వేశారు. అంతేనా ! సిఫిలిస్ వ్యాధికి కారణమైన సూక్ష్మజీవుల్ని గుర్తించడంలోనూ ఆయన తోడ్పాటునందించారు. తన పరిశోధనల సారాంశాన్ని ఆయన 'ద స్పెసిఫిసిటీ ఆఫ్ సెరొలాజికల్ రియాక్షన్స్' (1986) పేరుతో ప్రచురించారు. అమెరికాలోని న్యూయార్క్ నగరంలో 1943 జూన్ 26న ఆయన మృతి చెందారు.

Credits: శర్మ గారు, మనం పత్రిక సౌజన్యంతో...

వ్యాఖ్యలు

ఈ బ్లాగ్ నుండి ప్రసిద్ధ పోస్ట్‌లు

ఇంగ్లీషువాడు .. వాడి భాష మనకి రాదు...

ఇంగ్లీషువాడు సప్తసముద్రాలు దాటి వచ్చేశాడు. ముందు వ్యాపారం చేయడానికి... తరువాత అధికారం చెలాయించడానికి.... వాడి భాష మనకి రాదు... వాడు "గాడ్ ఈజ్ గుడ్" అనేవాడు. మనకి అది "గాడిదగుడ్డు" గా అర్థమైంది. మనం "రాజమహేంద్రి" అన్నాం... వాడికి "రాజమండ్రి"లా వినిపించింది. మన మాట వాడికి అర్ధమయ్యేది కాదు... వాడి భాష మనకి బోధపడేది కాదు. వ్యాపారం, పరిపాలన వాళ్ల అవసరం కనుక తెల్ల అధికారులు ఒక్కొక్కరూ తెలుగు పదాలను పట్టుకున్నారు. డిక్షనరీలు తయారు చేశారు. 1818లో విలియం బ్రౌన్ తొలి తెలుగు - ఇంగ్లీషు డిక్షనరీ తయారుచేశాడు. 1821లో క్యాంప్ బెల్ ఇలాంటిదే ఇంకో నిఘంటువు తయారుచేశాడు. మన మాటలు వాడికి అర్థమయ్యాయి. కానీ వాడి మాటలు మనకి అర్ధం కావాలి కదా. అవసరం వాడిది. అందుకే జాన్ కార్నిక్ మారిస్ అనే వాడు ఇంగ్లీషు తెలుగు డిక్షనరీ తయారు చేశాడు. ఆ తరువాత సీ.పీ. బ్రౌన్ దొర ఇంకో డిక్షనరీ 1852 లో (ప్రథమ స్వాతంత్ర్య సంగ్రామానికి సరిగ్గా అయిదేళ్ల ముందు) తయారు చేశాడు. చాలా మంది తెల్ల అధికారులు దుబాషీలను పెట్టుకున్నారు. దుబాషీలంటే ద్విభాషీలు. అటుది ఇటు ఇటుది అటు వివరించి చెప్పగలవారు వీరు. కాన

నాన్న ... ఒక అద్భుతం

  ఓ కుర్రాడు 👲 కోపంతో ఇల్లు వదిలి వచ్చేశాడు😤 ఎంత కోపంతో వచ్చాడంటే..  తను చూసుకోలేదు  తన కాళ్లకు వాళ్ల నాన్న బూట్లు వేసుకు వచ్చేశాడని.👞👞  కొడుక్కి ఒక మోటార్ సైకిల్ కొనలేని వాడు కొడుకు ఇంజనీర్ కావాలని కలలు కనడం ఎందుకో.. అంటూ తండ్రిని తిట్టుకుంటూ మరీ ఇంటినుండి బయటికి వచ్చేశాడు.😁 చాలా పెద్దవాడినయ్యాక గాని ఇంటికి తిరిగి వెళ్ళను అని నిశ్చయించుకున్నాడు. 😒 ఇంటి నుండి వచ్చేప్పుడు  కోపం కొద్దీ… ఎప్పుడూ ముట్టుకోనివ్వని వాళ్ల నాన్న పర్సు కొట్టుకోచ్చేశాడు 😉 అమ్మకి కూడా తెలియకుండా  రాసే లెక్కలన్నీ దాంట్లోనే  ఉంటాయని వాడి నమ్మకం.s👲 నడుస్తుంటే బూట్లలో ఏదో తగులుతోంది .  కరుస్తూ ఉన్నట్టు ఉంది .  బూటు లోపల సాఫ్ట్ గా లేదు . మడమ నొప్పెడుతోంది .😣 అయినా అతని కోపం దానిని లెక్కచెయ్యనివ్వలేదు .  లోపల తడి తడి గా అనిపించింది . కాలు ఎత్తి చూశాడు.... బూటు అడుగున చిన్న కన్నం..👞 కుంటుతూనే బస్ స్టాండ్ వచ్చాడు ఎటైనా వెళ్లిపోదామని..!! v🚶 విచారణ లో వాకబు చేస్తే తెలిసింది గంట దాకా బస్ ఏదీ లేదని 🚌 సరే ఏంచేస్తాం. అప్పటి దాకా …  నాన్న పర్సు లో ఏంఉందో చూద్దామని  పర్సు తెరిచాడు ఈ కుర్రాడు . ఆఫీసు లో 40,000 అప్పు తీ

శివతత్వం - పాము, అగ్ని, భూతపిశాచాలు

శివశంకరన్ కంచి మఠానికి చాలాకాలంగా పెద్ద భక్తుడు. ఒకరోజు పరమాచార్య స్వామి వారి దర్శనానికి మఠానికి వచ్చినప్పుడు ఒక సేవకుడు అతనితో చాలా అమర్యాదగా ప్రవర్తించాడు. అతను దాన్ని తనకు జరిగిన అవమానంగా తలచాడు. వెంటనే స్వామి వద్దకు వెళ్ళి ఆ సేవకునిపై చాడిలు చెప్పాలని అతనికి లేదు. అతనికి ఒకసారి స్వామివారితో మాట్లాడే అవకాశం దొరికింది. ఏదో సందర్భానుసారంగా మాట్లాడుతూ పరోక్షంగా తన గుండెల్లో ఉన్న బరువు దింపుకోవడానికి, అరటిపండులోకి సూదిని గుచ్చినట్లుగా, “మఠం పరిచారకులు కొంతమంది చాలా కఠినంగా మాట్లాడుతున్నారు. కొన్ని తప్పులు చేస్తున్నారు. ఇతరులతో డబ్బు పుచ్చుకుంటున్నారు. పరమాచార్య స్వామివారు వీళ్ళతో ఎలా వేగుతున్నారో నాకు చాలా ఆశ్చర్యంగా ఉంది” అని అన్నాడు మహాస్వామి వారు గట్టిగా నవ్వారు. “నువ్వు చెప్తున్నది నాకేమి కొత్తది కాదు” అన్నట్టుగా చూసి, మాట్లాడడం మొదలుపెట్టారు. ”వేలమంది పనిచేసే ఒక కర్మాగారం తీసుకుందాం. అందరూ నైపుణ్యం కలవారు మంచివారు కాదు కదా? ఎన్నో లక్షల మంది పభుత్వ కార్యాలయాల్లో పని చేస్తున్నారు. అందరూ ఒకేరకమైన నిబద్ధతతో పని చెయ్యరు. చాలా మంది అసలు పని కూడా చెయ్యరు. పని చేసినా అది సరిగ్గా చెయ్యరు, అ