యవ్వనదశలో ప్రేమలో పడ్డాం, గాఢంగా ప్రేమించుకొంటున్నాం.
ప్రేమే జీవితం
ప్రేమే శాశ్వితం
ఒకరిని విడిచి మరొకరు ఉండలేం.
మాకు కులంతో పనిలేదు, మతంతో పనిలేదు. కనిపెంచి పోషించి విద్యాబుద్ధులు నేర్పినఅమ్మనాన్నలు వద్దు,అభిమానించే అన్నదమ్ములు వద్దు,మంచిని చెప్పే సావాసగాళ్ళు వద్దు, మమ్మల్ని ఎవరు విడదీయలేరని భావిస్తున్నామని అంటారా !
మీ ఇష్టం.
ఇలావుంటే మీది ప్రేమకాదు, ఆకర్షణే.
ఈ ఆకర్షణ తప్పకుండా పెండ్లికి దారితీస్తే ఇందులో success rate ఎంత ?
ఎంతోతెలుసా కేవలం 18% మాత్రమే.
ఆకర్షణ తగ్గిపోగానే వాస్తవవిషయాలు తెలియగానే, కుటుంబ పరిస్థితులు అవగతంకాగానే
కట్టుకొన్నవారి మనస్తత్వం తెలియగానే కాళ్ళకింద భూమి కంపిస్తుంది.
ఏం చేయలేం. కట్టుకొన్నవారిని వదలలేరు. అలాగని రాజీపడలేరు. జరిగినదానికి వగచివగచి,అంగలారుస్తూ, మనశ్శాంతిలేక బతుకుబండి ఈడ్చాలి.
పిల్లోజల్లో పుడితే అదో జంజాటం.
ఇంక ఎక్కువగా వద్దుకాని మీ ప్రేమను మీ అమ్మనాన్నలు అంగీకరిస్తేనే పెండ్లి చేసుకోండి, లేకుంటే వద్దేవద్దు. కొందరు లవ్ పేరుతో వలపన్ని తమ మతంలోకి మార్చుకొంటున్నారు. ఇలాంటి ప్రేమవ్యవహారాలలో జాగ్రత్త అవసరం.
ప్రేమలో కాదుకాదు ఆకర్షణలో పడితే మీ పరిస్థితి ఎలా వుంటుందో పెద్దలు ఇలా సెలవిచ్చారు. వీటినే దశవిధ మన్మథావస్థలని అన్నారు.
(1) చూచుట... ఎప్పుడు వారిని చూడాలని అనుకోవడం.
(2) మనస్సంగమం... మనసులో ఊహించుకోవడం. పెండ్లి చేసుకొన్నట్టు, సంసారం సాగిస్తున్నట్టు.కొందరు మానసిక వ్యభిచారం కూడా చేస్తారు.
(3) తలంపు... తిన్నా, పడుకొన్నా, పనిలోవున్నా వారి తలపులే మనసులో వుంటాయి.
(4) జాగరం... ఎవేవే ఊహలతో నిద్రరాకపోవడం
(5) కృశించుట... తినకుండా, నిద్రపోకుండా, అలసటతో నశించడం
(6) అన్యవస్తు విముఖత... నాకు జీవితంలో ఏ భోగభాగ్యాలు వద్దు.కార్లు వద్దు, ఇండ్లువద్దు.నాకు ప్రేముంటే చాలు అనుకోవడం.
(7) సిగ్గులేమి... సిగ్గులజ్జ వదిలేసి ప్రేమపేరుతో సిస్సిగ్గుగా తిరగటం. ఎవరు ఎమనుకొంటే నాకేం ఎక్కడబడితే అక్కడ తిరుగుతారు కుడా.
(8) ఉన్మాదం... ప్రేమపేరుతో పిచ్చోడిలా తిరగడం, ఉన్మాదిగా మారి అందరిని ఎదిరించడం, తిట్టడం, కొట్టడం చేస్తారు.సైకోగా మారటం.
(9) మూర్ఛ... ప్రేమకు పరాకాష్ఠ తెలివిలేకుండా ప్రవర్తించడం.జ్ఞానం కోల్పోవడం.కొండకచో తెలివి తప్పిపడిపోవడం కూడా జరుగుతుంది.
(10) చావు... పెద్దలు ఒప్పుకోలేదని చచ్చిపోవడం.చావడం అవసరమా ? అమ్మనాన్నలు ఇచ్చిన నిండు నూరేళ్ళ జీవితాన్ని చాలించడం భావ్యమా ?
పై లక్షణాలలో కొన్ని కొందరికి రావచ్చు. లేదా అన్ని రావచ్చు.
CREDITS: జి.బి.విశ్వనాథ.. అనంతపురం.
కామెంట్‌లు
కామెంట్‌ను పోస్ట్ చేయండి